Melomaan

Sake24 en Sanlam iTrade se Wat kan jý doen met ’n miljoen?-kompetisie skop 1 Junie af en die persoon wat einde September sy portefeulje die meeste laat groei het, sal met R100 000 spog.

Die kompetisie bied voornemende beleggers die kans om meer te leer oor hoe beleggings op die JSE werk, sonder enige risiko natuurlik. Elke deelnemer kry ’n fiktiewe R1 miljoen om mee op die JSE te woeker. Bestaande beleggers kan ook deelneem en hul aandelevernuf ten toon stel.

Deelnemers mag vanjaar net uit die top-100-maatskappye en indeksfondse soos die Satrix-instrumente belê.

Indien jy nog nie vir die kompetisie geregistreer het nie, maak gou. Kliek op Miljoen-kompetisie onder Spesiale Projekte op Sake2424.com se tuisblad. Die regsistrasieskakel is op  hierdie blad, asook die reëls  van die kompetisie.

Indien jy enige probleme met die registrasieproses ervaar, kontak Johan Vos van Sake24 by johan.vos@sake24.com of Werner Erasmus van Sanlam iTrade by wernere@spi.sanlam.com stuur.